ФОРИШ ТУМАН ДАВЛАТ СОЛИҚ ИНСПЕКЦИЯСИДА ТАРҒИБОТ ТАДБИРИ БЎЛИБ ЎТДИ
Фориш тумани давлат солиқ инспекцияси ходимлари иштирокида 2023 йил 30 апрел куни мамлакатимизда ўтказиладиган “Ўзбекистон Республикаси Конституцияси тўғрисида”ги Конституциявий қонун лойиҳаси бўйича референдум тарғиботига бағишланган тарғибот тадбири бўлиб ўтди.
Тарғибот тадбирида сўзга чиққан Фориш туман Адлия бўлими бошлиғи Ойбек Йўлдошев, туман Адлия бўлими бош маслаҳатчиси Бегзод Туропов, жиноят ишлари бўйича Фориш туман суди раиси Салим Ботиров, фуқаролик ишлари бўйича туман суди раиси Эркин Умурзоқовлар Конституция лойиҳасида инсон ва унинг ҳақ-ҳуқуқлари, белгиланаётган янги нормалар тўғрисида гапириб ўтди.
"Конституция меники, сеники, бизники! Конституция ўзимизники" шиори остида тарғибот тадбирида барча иштирокчилар ўз ваколатидан фойдаланган ҳолда умумхалқ Референдумида фаол иштирок этишга чақирилди.
Фориш туман ҳокимлиги ахборот хизмати.
