“УЛУҒБЕК ВОРИСЛАРИ” ТАНЛОВИ ЮҚОРИ САВИЯДА ЎТДИ

Фориш туманида истеъдодли ёшларни қўллаб-қувватлаш, улар истеъдодини рўёбга чиқариш мақсадида 2022 йилдан бошлаб ҳар йили “Мирзо Улуғбек ворислари” республика танловининг туман босқичи ўтказилади.
Фориш туманида 18-сон болалар мусиқа ва санъат мактабида «Мирзо Улуғбек ворислари» кўрик-танловининг туман босқичи бўлиб ўтди. Мактаб ўқувчилари ва талаба ёшлардан иборат интилувчан, иқтидорли ёшларнинг ихтиролари, ғоя ва ишланмалари ҳайъат аъзоларида катта қизиқиш уйғотди. Лойиҳаларнинг аксарияти чекка ҳудудларда мавжуд муаммолар, жумладан, тошдан гулқоғоз олиш, пахтани йирик ифлосликлардан тозалаш, замонавий уй-рўзғор буюмларини ишлаб чиқариш, минерал ва кимёвий қўшимчалар ёрдамида олинган гипс асосли шпаклёвка тайёрлаш ва чиқинди шиша идишлардан янги маҳсулотлар ишлаб чиқариш каби лойиҳаларнинг илгари сурилгани эътиборга молик жиҳатлардан бири бўлди.
Қизғин интеллектуал беллашувда рақобат муҳити ва дўстона муносабат сезилиб турди. Мазкур танлов ёш олимларнинг ўзаро мулоқотга киришиб, тажриба алмашишларига хизмат қилди, дейиш мумкин.
Бир-биридан қолишмайдиган прототип лойиҳалар, стартаплар улар орасидан энг яхшиларини саралаб олишда комиссия аъзоларига бироз қийинчилик ҳам туғдирди.
Танловда Оғабек Сафаров, Зарфулла Ибрагимов, Хусния Жўраева, Фахриддин Саидов ва Сарвар Мусабековлар ҳайъат аъзолари томонидан ғолиб деб топилди ва ташкилотчилар томонидан диплом ҳамда эсдалик совғалари билан тақдирланишди.

Фориш туман ҳокимлиги ахборот хизмати.