КЎРГАЗМАЛИ СЕМИНАР

Фориш тумани 3-сектор ҳудудидаги “Оқтом” маҳалласида фаолият юритаётган “Do`stlik agroexsport” масъулияти чекланган жамиятида томчилатиб ва ёмғирлатиб суғориш технологияларини жорий этиш юзасидан кўргазмали семинар ташкил этилди.
Туманда манзилли дастурга асосан 2022 йилда 910 гектар ерга томчилатиб ва 190 гектар ерга ёмғирлатиб суғориш технологияларини жорий этиш белгиланган. Бугунги кунгача 570 гектар ерга томчилатиб ва120 гектар ерга ёмғирлатиб суғориш технологиялари жорий этилди.
“Do`stlik agroexsport” масъулияти чекланган жамияти 120 гектар ер майдонига ёмғирлатиб суғориш технологияларини жорий этган ҳолда озуқабоп экинлар етиштирмоқда.
Кўргазмали семинарда туман ҳокимлиги, қишлоқ хўжалик бўлими ҳамда Сирдарё – Зарафшон ирригация тизимлари ҳавза бошқармаси вакиллари иштирок этишди.

Фориш туман ҳокимлиги ахборот хизмати.