БУГУН 15 ОКТЯБРЬ - ХАЛҚАРО ҚИШЛОҚ АЁЛЛАРИ КУНИ

15 октябрь "Халқаро қишлоқ аёллари куни" муносабати билан Тошкент шаҳрида "Қишлоқ ҳудудларида аёллар тадбиркорлигини ривожлантириш истиқболлари ва аҳолининг озиқ-овқат хавфсизлигини таъминлашдаги иштироки" мавзусида республика форуми бўлиб ўтмоқда.

Ташкилотчилар ФАО, USAID, Ўзбекистон Республикаси Олий Мажлис Сенати, Ўрмон хўжалиги давлат қўмитаси, Қишлоқ хўжалиги вазирлиги, Оила ва хотин қизлар давлат қўмитаси, Аграр соҳа аёллари уюшмаси. Тадбир доирасида етакчи тадбиркор аёллар бизнесини ривожлантириш учун 30 минг АҚШ долларигача сертификатлар билан тақдирланишди.
Ушбу нуфузли халқаро анжуманда туманимиздаги “Хонбанди” маҳалласи худудида фаолият юритаётган “Юксак қоялар” фермер хўжалиги раиси Зарифа Абдуғаниева ҳам иштирок этмоқда.

Фориш туман ҳокимлиги ахборот хизмати.