ЁШЛАРНИНГ МУАММО ВА МАҚСАДЛАРИ ТИНГЛАНДИ
Фориш туман ички ишлар бўлими бошлиғи, 3-сектор раҳбари майор Қаҳрамон Назаров 3-сектор худудидаги “Оқ тепа” маҳалласида жойлашган 6, 22, 30-умумтаълим мактаблари ҳамда “Сайёд” маҳалласи худудида жойлашган 7, 29-умумтаълим мактаблари битирувчи ёшлари билан учрашиб мулоқот қилди.
Бугун битирувчи ёшлар ўз мақсад-орзуларини амалга оширмоқ учун интилмоқдалар. Кимдир олий таълим муассасига ўқишга кирса яна кимдир ота-онасига кўмакчи бўлиш мақсадида меҳнатга отланади. Бундай кезда албатта, уларга тўғри йўл кўрсатиш лозим.
Учрашувда сектор раҳбари битирувчиларни мустақил ҳаётга қадам қўяётгани билан табриклаб, туман ИИБ ва сектор раҳбарияти ёшларга ҳамиша кўмак беришга, қўллаб-қувватлашга тайёрлигини маълум қилди.
Фориш туман ҳокимлиги ахборот хизмати.
