АҲОЛИ МУАММОЛАРИ ЕЧИМ ТОПМОҚДА

Фориш туман ҳокими Икром Матиев аҳоли муаммоларини ўрганиш ва ҳал этиш мақсадида навбатдаги аҳоли қабулини ўтказди.

Очиқ мулоқот тарзида ўтказилган қабулда тумандаги бир қатор корхона, ташкилот, муассасалар раҳбарларининг иштирок этгани аҳоли муаммоларининг бир қанчасини жойида ҳал қилиш имконини берди.
“Инсон қадри учун!” ғояси асосида ўтказилган қабулда 28 та мурожаатлар тингланди. Уларнинг 15 таси тегишли ташкилотлар раҳбарлари томонидан жойида ҳал этилди. Бир нечта мурожаатларга ҳуқуқий маслаҳат ва тушунчалар берилган бўлса, 13 та мурожаатлар бўйича эса аниқ муддат ва масъуллар белгиланиб, тегишли тартибда назоратга олинди.

Фориш туман ҳокимлиги ахборот хизмати.