АҲОЛИГА ТЕЗ ТИББИЙ ЁРДАМ КЎРСАТИШНИ ЯХШИЛАШ МАҚСАДИДА

Фориш туман прокурори, 2-сектор раҳбари Мирзараҳим Отақулов раҳбарлик қилаётган сектор ҳудудидаги “Нарвон” маҳалласи туманнинг чекка ҳудуди ҳисобланади.

Бу маҳаллада аҳолига тез тиббий хизмат кўрсатишда йўл узоқлиги сабабли бироз муаммо мавжуд эди. Аҳолининг мурожаатидан кейин бу муаммо тўлиқ бартараф этилди.
Яқинда “Нарвон” маҳалласининг Эшбўлди қишлоғида аҳолига тез тиббий хизмат кўрсатиш бўлими иш бошлади. Тез тиббий хизмат бўлими сектор ҳудудидаги “Нарвон” ва “Қораабдол ота” маҳаллалари аҳолисига хизмат кўрсатади. Тез тиббий хизмат бўлимига “Дамас” автомашинаси ажратилган, тиббий ходимлари ва алоқа воситалари билан таъминланган.

Фориш туман ҳокимлиги ахборот хизмати.