“ПРЕЗИДЕНТ МУРОЖААТНОМАСИ ЁШЛАР НИГОҲИДА”

Президентимиз Шавкат Миромонович Мирзиёевнинг Олий Мажлисга Мурожаатномаси барча юртдошаримизда катта қизиқиш уйғотиб, уни ўқиб-ўрганмоқдалар.
Туман халқ таълими бўлими ва Ёшлар ишлари агентлиги туман бўлими ҳамкорликда муҳтарам Президентимизнинг Олий Мажлисга Мурожаатномаси юзасидан “Президент Мурожаатномаси ёшлар нигоҳида” деб номланган танлов ташкил этди. Танловда 17 ёшдан 23 ёшгача бўлган юздан зиёд йигит-қизлар Президентимизнинг Мурожаатномаси юзасидан ўзаро баҳслашдилар. Ёшларнинг баҳслашуви балл системасида баҳолаб борилди.
Баҳслашувда 78-умумтаълим мактаби ўқувчиси Ғозиева Муборакхон Тоҳир қизи ва 10-умумтаълим мактаби етакчиси Маъруф Избосаровларнинг Президентимиз Мурожаатномаси юзасидан билдирган фикр-мулоҳазалари юқори баҳоланди.

Фориш туман ҳокимлиги ахборот хизмати.